himlayan

pag pikit ng langit
lumatag ang mumunting luha
tangay ang ngiti sa bawat labi
wari sila nama'y natutuwa

akapin ang bawat sandali
habang tayo'y andito pa
pagkat bukas makalawa
bukas nati'y maaring wala na

sa malayo paroon
walang masisilayan
hawak mong damdamin
galit at poot lamang

di masilayang ningning
sa iyong mata'y tuluyan nang naglaho
dampi ng hapis sa ati'y ligaya
manhid na katawan di na nagdudusa

kung ako'y makikita mo pa
sampu ng bulag mong mga kasama
tanganan mo ang aking palad
ika'y di ko na bibitawan

lumipas man ang di mabilang na oras
paghihirap nati'y di magwawakas
walang kamatayang parusa
sa ati'y naigawad na

wala nang luhang papatak
wala nang liwanag ang maaninag
wala nang bukas ang dadating
sa piling mo ako'y mahihimbing