sa dyip

butil ng pawis
sa noo'y tumulo
sikat ng init
nanuot sa dibdib

masangsang na amoy
nakasusulasok
gumuhit sa lalamunan
pait ng kapaligiran

malapit na marating
dulo ng kahibangan
sa kanto na lamang
ako'y papara na

hintayan

tilamsik ng diwa
sa bawat minuto na lumipas
sa bawat ulang tumila
di mo na makikita

pag-inog ng mga kulay
matamlay na kalawakan
kulay dugong langit
halik ng dapit hapon

aandap andap na liwanag
mula sa kandilang lumuluha
lampas na ang ihip ng hangin
ika'y iniintay pa rin

i, myself and me